Tabula Smaragdina from Sempervirens by Travvma

Vérum est síne mendácio, cértum et veríssimum:
Quod est inférius est sícut id quod est supérius.
Et quod est supérius est sícut id quod est inférius,
ad perpetránda (præparánda, penetránda) mirácula réi uníus.
Et sícut ómnes res fuérunt ab Úno, mediatióne (meditatióne) Uníus,
sic ómnes res nátæ fuérunt ab hac úna re,
adaptióne (adoptióne).

Páter éjus est sol, Máter éjus est lúna.
Portávit íllud véntus in véntre súo. Nútrix éjus térra est.
Páter ómnis thelésmi totíus múndi est hic.
Vis éjus íntegra est, si vérsa fúerit in térram.
Separábis térram ab ígne, subtíle a spísso,
suáviter mágno cum ingénio.
Ascéndit a térra in cǽlum, iterúmque descéndit in térram,
et récipit vim superiórum et inferiórum.
Sic habébis glóriam totíus múndi.
Ídeo fúgiet a te ómnis obscúritas.
Hæc est totíus fortitúdinis fortitúdo fórtis,
quía víncet ómnem rem subtílem,
omnémque sólidam penetrábit.

Sic múndus creátus est.

Hinc érunt adaptiónes mirábiles,
quárum módus est hic.
Ítaque vocátus sum Hérmes Trismegístus,
hábens tres pártes philosóphiæ totíus múndi.

Complétum est quod díxi de operatióne sólis.

• Black Metal
• Blackgaze
• Metal
• Post Black Metal
• ambient
• post-rock
• Brest