Pouca from Flúe by Traboute

Conservo o don de escorrentar do meu carón
a todo aquel que me fai mal
sen importar se quedo ben ou menos ben, tanto me ten

O teu sermón faise eterno, deixa de darme consellos
nada cambiou neste tempo, nada

Destinado a estar enraizado coas ideas que me fan libre
contraveño todas as normas, as escritas e as invisibles

Resúltame irónica a situación
non sei moi ben por que pensei que eras mellor
o que foi Un agora xa partiu en Dous

E no silencio marmulas frases e frases gastadas
que de ti non esperaba, nunca

Pensabas que bastaba só con agardar
Pensabas que ía esquecer e claudicar

Descártote polo que fas non por quen es
punto e final dunha tensión sen resolver
endémica demostración de proceder

E do silencio rescato frases que tiña esquecidas
e que hoxe cobran sentido, hoxe

Destinado a estar enraizado coas ideas que me fan libre
contraveño todas as normas, as escritas e as invisibles

• Metal
• crossover
• death metal
• hardcore
• thrash metal
• Carballo