Sonnengrüße by Severin Gomboc

Wir san jetzt 5 Joa zaum
Du bist Yogalehrerin
I verdien mei Göd
In dem I für Leite sing
Schau ma wos passiert
Wenn wer wie wir in
Urlaub Fliagn

Wenn i aufsteh in da Fruah mit dir
Und des Gfühl zwickt ma im Bauch
Dann red i ma immer ei i gspia
I bin mit dir besser drau

I hob ma docht i hob do die Chance
Das i find mei innere Balance
Nur bei dera portugiesischen Hitz
Hod ana wie I afoch ka Glick

Und du stoiperst und dei Erdebeereis
Fliagt ma genau ins Gsicht
Und mir kummt vor ois ob i die
Zum ersten moi siag

Und daweil kummst du drauf
Das a Lissabonnarer eigentlich
Vü leiwander warad

Und I moch Sonnengrüße
Ohne End
Und die Sun mocht nix
Ois dass mi blendt

Jo I moch Sonnengrüße
Ohne End
Und die Sun mocht nix
Ois dass mi blendt

Nochn Frühstück geh ma beide zum Straund
Und legen uns in haßen Saund
I hob an Ring für die in meiner Haund
Und i hoff du wirst mei Frau

Wie a Spaghetti vabiag I mi
I hob ma docht nur so valiebst du die
Nur in dera portugiesischen Hitz
Hod ana wie i afoch ka Glick

Und du sogst na und I stottert und
Mei Grinsa vaziagt sie vom Gsicht
Und mir kummt vor ois ob i di
Zum ersten moi siach

Und daweil kummst du drauf
Das a Lissabonnarer eigentlich
Vü leiwander warad

Und I moch Sonnengrüße
Ohne End
Und die Sunn mocht nix
Ois dass mi blendt

Jo I moch Sonnengrüße
Ohne End
Und die Sunn mocht nix
Ois dass mi blendt

Jo bei dera portugiesischen Hitz
Hod ana wie i afoch ka Glick
Dann fliag I hoid allanich ham
Fliag zruck nach Traun
Dann probier I hoid weida mei Glick
Am Oedtersee mit die Frauen

• Austropop
• Dialekt
• Dialektmusik
• Folk
• deutsch
• liedermacher
• severin gomboc
• singer-songwriter
• Österreich
• österreich
• Traun