Eppie Morrie from Rumpled Muslin by Rumpled Muslin

Four-and-twenty Hielan' men
Cam' frae the Carron side
To steal awa' Epple Morrle
She wadna be a bride, a bride,
She wadna be a bride.

Oot an' cam' her mither,
It was a moonlit night,
She couldnae see her dochter
Their swords they shone sae bright.

Haud awa' frae me, mither,
Haud awa' frae me!
There's no' a man in' Strathdon
Shall married be by me, by me.
Shall married be by me.

They've taken Eppie Morrie,
A horse they've bound her on,
And they’re awa’ to the minister's hoose
Fast as horse could gang, could gang,
Fast as horse could gang.

Willie's ta'en his pistol oot
Set it to the minister's breist,
O marry me, minister,
Else I'll be your priest.

Haud awa' frae me, good sir,
Haud awa' frae me,
I daurna avow to marry you
Unless she's willin' as thee.

Haud awa' frae me, Willie,
Haud awa' frae me,
There's no' a man in a' Strathdon
Shall married be by me, by me,
Shall married be by me.

They've taken Eppie Morrie,
Sin' better couldna' be,
And they’re awa’ tae Carron side
As fast as horse could flee.

When mass was sung and bells were rung
And a’ were bound for bed,
Willie and Eppie Morrie,
In ane bed they were laid.

He's ta'en the sark frae aff his back
Kicked awa his shoon,
And thrown awa the chamber key,
Naked he lay doon.


"Haud awa frae me, Willie,
Haud awa' frae me,
Before I lose my maidenheid
I'll fight wi' you till day, till day
I'll fight wi' you till day.

He’s kissed on the lily breist
Held her shouders twa
But aye she grat and aye she spat
And turned tae the wa', the wa',
Turned tae the wa'.

A’ through the night they wrestled there
'Til the light o’ day
And Willie grat and Willie swat
But she would not give way

Early in the morning
Before her claes were on
In came the maid o' Scallater
Wi' a gown and shirt alane.

Get up, ye married woman
And drink the wine wi' me,
You might hae ca'd me "maiden",
For I'm sure as hale as thee, as thee,
I'm sure as hale as thee.

Oh weary fa' you, Willie,
That ye couldna' prove a man,
And ta'en the lassie’s maidenheid,
She would hae hired your hand.

Gae get to me a horse, Willie,
Get it like a man,
And I’ll awa’ to my mither’s hoose
A maiden as I cam', I cam'
A maiden as I cam'.

"Haud awa' frae me, Wullie,
Haud awa' frae me!
There's no' a man in a' Strathdon
Shall married be by me, by me,
Shall married be by me.

"Haud awa' frae me, Oh,
Haud awa' frae me!
There's no' a man in a' Strathdon
Shall married be by me, by me,
Shall married be by me.

• Folk
• traditional
• London