Bandatze by ROLAN

Rock kontzertuetan topatuko duzu Rolan. Zalea da oso eta musikaz jardutea atsegin du. Gizon jantzia da musika kontuetan, egile zaharrak eta atera berriak bilatzen eta jarraitzen ditu, eta hori ez da gauza txikia kontuan izanik musikarien mundua musikarik entzuten ez duen egilez betetzen ari den honetan.

Ohiz kanpoko ibilbidea egin du bere diskoekin eta zuzenekoekin. Sindrome bat eta horrek ekartzen dituen ajeak saihestea lortu du: english-aren eremuan murgildu eta miresten dituzten eredu distiratsuenen bidea jarraitzea erabaki dutenena, askotan maudit plantak eginez.

Konplexuek eragiten dituzten okerrak alde batera utzi eta etxean geratzea aukeratu du Rolanek, eta laketua dirudi. Hori da, ziur aski, mundu zabalera irteteko modu bakarra.

Bidaia horretan kantak ondu ditu. Lehendik ere kanta sobera dagoela esan lezakete askok. Ez da gezurra, baina hauek bere-bereak dira. Ausardia erakutsi du gure poeten hitzak aukeratzeko orduan, eta onik atera da erronka horretatik, besteak beste, rockaren eta folkaren tradiziotik edanez sortu dituen doinu biribilei esker. Badu, gainera, askok bereziki eskertzen dugun zerbait: garbi, efekturik gabe, ahotsari indarra emanez kantatzeko grina.

Lotsarik gabe aritzen da bere kontzertuetan, konbentziturik eman dezakeen hoberena ematen ari dela. Egunen batean kalean topatu eta bere kantekin gozatu duzula esaten badiozu, burua pixka bat apaldu eta irribarrea izatera iristen ez den zerbait egingo dizu. Badaki munduan diren milaka musikari xumeetako bat dela, eta izar handia gabe ñimiñoen argia ere zenbaitengana iritsi daitekeela arretaz begiratuz gero.

Este disco ha sido grabado en el año 2021 en Buenas Compañías Estudios y en MOTU con la ayuda técnica de Oskar Benas y Guillermo F. Mutiloa. Entre las influencias asoman detalles de blues, folk y rock con letras en euskera. Rolan Garcés viene acompado en este disco de los Bandatze que son: Txema Valpuesta, Unai Otegi, Juanakis y Txarli Ortiz.

This album has been recorded in 2021 in Buenas Compañías Estudios and in MOTU with the technical help of Oskar Benas and Guillermo F. Mutiloa. Among the influences are details of blues, folk and rock with lyrics in Basque language. Rolan Garcés is accompanied in this album by Bandatze who are: Txema Valpuesta, Unai Otegi, Juanakis and Txarli Ortiz.