Plantando fuerte from PLANTANDO FUERTE by OS CHOTOS

Cosa tan nuestra no se debe amortar,
tanto oblido inchusto ye que no puede estar
son sieglos d’istoria baixo los nuestros piez
si no l’arruixamos, se muere de set.

Demanda esta lengua que se la escuite bien,
canto, poesía e los suyos suenios tamién
lo idioma ye vivo, si tu lo fas parlar
si escuitas, si leyes, si en él tú quiers cantar.


Plantando fuerte, l’aragonés!
...encara ye vivo, fes que despierte!
Plantando fuerte, l’aragonés!
...la radiz tuya nunca se muere.

Plantando fuerte l’aragonés
nuevos parlans, los niedos creixen.
Plantando fuerte, l’aragonés
enta debant, pueblo nunca rebles!



Buenas radizes son lo fundamental,
los nuestros uelos emos de recordar
éls nos fan més fuertes, tamién nos fan creixer
nos tienden a man si bi ha boira u ye de nueit.

Muitos querrían que deixemos de pensar,
porque as parablas son camín de libertat;
quieren matar la cultura, la nuestra voz
pero la diversidat ye lo que fa abanzar a lo mon.


Plantando fuerte, l’aragonés!
...encara ye vivo, fes que despierte!
Plantando fuerte, l’aragonés!
...la radiz tuya nunca se muere.

Plantando fuerte l’aragonés
nuevos parlans, los niedos creixen.
Plantando fuerte, l’aragonés
enta debant, pueblo nunca rebles!

• Folk reivindicativo
• World
• protesta
• worldmusic
• Barcelona