Wohär from Roserot by Michael Wernli

WOHÄR

Wohär chunnt nur die Euphorie
Isch doch ehnder bider gsii
Das vorsichtig´ Hii und Här
Hett scho chli meh törfe sii

Wohär chunnt ächt das Gummiband
Wo´n es Läbe lang Rollträppe fahrt
Die guet ahzogene Schruube
Wo s Repariere´n eim erspart

Wohär chunnt au dä früschi Glanz
Wenn´d am Morge´n im Büro stahsch
All die Znüüni i dem Zellophan
Wo´d denn im Flüüger wenn´d go flüüge gahsch

Wohär chunnt bloss das trochne Gras
S hed doch ghörig abeggläärt
Und die schöne Landeshymnene
Obwohl lang doch scho verklärt

Wohär chunnt sovill Widerspruch
Händ´s doch ggwüssehaft beredt
Dä mittelprächtig Jahrespricht
Hed allwäg doch nid ganz verhebt

Wohär chunnt nur das Tränemeer
Isch doch ehnder lustig gsii
Und siis plötzliche Verschwinde
Er wär so gern nomal debii...

Er wär so gern nomal debii gsii
S hed halt nid andersch sölle sii

• Singer-Songwriter
• Soundtrack
• Stage Music
• Zürich