S'goldige Rad from S'goldige Rad by Luumu

S’Goldige Rad

Chum do id Nöchi und mach d’Auge zue
Chum do id Nöchi, ich versprich ich lah di in Rueh
Gli isch es verbi, gli isch es verbi
Wunde solle heile wenn gnueg Zyt chunnt dri

Mir hei moll gschtuunet ab dem goldige Rad
Und i ha gwüsst ich bi noni parat
Wenn nur chunnt die Zyt?
Wenn nur chunnt die Zyt?
Woni weiss was Läbe heisst und d’Sunne bi mir bliibt?


Nach langem Warte git’s doch nüt z’verstoh
Und no nach vilne Johre blibts au immer no so
Einisch Ischs verbi
Einisch Ischs verbi
Heimer denne alles gseh und bliibe mir derbi?

Am früene Morge bleib stoh
Und lose uf die vile Grüsch, wie chönnti das lo go?
Was seit dass alles nume us?
Mir läbe imne Wunder und mir chömet all nöd druus

Doch mängisch hani s’Gfühl i heig alles gseh
Und was au cho mag, es tuet jo eh nur weh
Wenn nur ischs verbi?
Wenn nur ischs verbi?
Mini Zyt isch noni cho drum blibi no bi dir

No isch ned verbi
No isch ned verbi
Mini Zyt isch noni cho drum blibi no bi dir

• Alternative
• Dream Pop
• Folk
• Indie
• Soundtrack
• scandinavian Jazz
• Lucerne