Monstre from Iluro 2000.0 by Kbek

Un monstre,
Enter agla i ors qu'òrb eths sons uelhs
Per mar, montanhas i lanas que cor i que creish
Ara vista d'un cèrvi que's regaudeish
Eth monstre,
Bèth amic a conéisher en cèrvi que ved
Que s'acèrca, s'aprèssa d'eth, tot timidet
Sonríder de mordics, urpas netas... lusentas

Que cor, eth cèrvi, que huei
En son còs era pòur que's lei
Non ved pas er' amistat qu'eth praube monstre e'u vòu muishar
(x2)
Be cor, eth monste, be huei
En son còr eth chagrin que's lei
Non compren pas qu' er' amistat abans de parlar sia refusada
(x2)
Monstre monstre monstre !

Eth monstre,
Enter agla i ors que freta eths sons uelhs
Per mar, montanhas i lanas que plora i s'engüeisha
En un clòt, sa cara que ved, i que vomeish... que rend.
Eth monstre,
Que's copa eras alas, i 'ras dents
Que part taths país deths cèrvis, eths uelhs lusents
Que s'apelha tot com eths, en sonrident

Agòr i estiu, primtemps i ivèrn
Eths cèrvis l'arcuélhen, que'u balhan espèr
Que jògan amassa tot dia, i bèras anadas que passan
Agòr i estiu, primtemps i ivèrn
Eths cèrvis l'arcuélhen, que'u balhan espèr
Quan ua urpa mau talhada e hereish un cèrvi per accident

De malicia, eths cèrvis qu'atacan
Eths lors còs de haina s'emplean
Non veden pas sonque traïson quan n'i avè pas nada intencion
(x2)
Be cor, eth monste, be huei
En son còr eth chagrin que's lei
Que se'n vòu, mes qu'ei dejà tròp tard tà demandà'us de perdoà'u
(x2)

Eth monstre,
Enter agla i ors que's trauca eths uelhs
Per mar, montanhas i lanas que plora i sofreish
Eth son còr plen d'arregrets que's consumeish... Arregrets ardents.
Eth monstre,
Ath hons de bèra tuta que s'estuja
Cenes en còr, era soletat que puja
Arroganhat peras penas que's moreish.
Quin monstre !

• Hip-Hop/Rap
• Rap
• Trap
• dark
• drill
• gascon
• minority language
• Oloron Sainte Marie