A65 from Iluro 2000.0 by Kbek

Direccion Labrit, 7 òras deth matin, que tiri camin prer'A65.
Non vau pas vesitar eras roeinas deth castèth, mes arretrobar un tipe ath Canhaguèr, davant dera glèisa.
Era forgoneta qu'avança autant viste qui eth peatge e còsta car : non i a pas nada puta autò sus era rota, mes ua garia ath bèth miei d'ua zòna de tribalhs. Era rota qu'ei achicada, non poish pas despassar, i totun que vei era sortida n°3, pòrta d'Armanhac tà traucar Ròcahòrt i 'ths sons hromatges.
Que hèi petar eth travader tad arrestà'm a dus mètres der animau negràs i minjader.
Non pas qui m'avosse copat eth para-sanglars, mes qu'èi totun un drin d'arrespècte pera vita d'aquera rèça locau, mitica, ancestrau.

Qu'estupi eth motur, sòrti dera veitura,
M'aprèssi a docets dera cloca madura,
Qu'ei concentrada i grèva com ua procurura
Mes eths warnings que dan un èr de discotèca
Que tenta de póner un ueu
Que s'esboharla de póner un ueu
Non la destriga pas briga eth visitor
Mes be se'n ved, i que'u s'i ved ens uelhs tota era dolor.

Un arrueit, un brut, un fracatàs, ath darrèr de jo, mes arren de maishant, sonque un fièr galhabèrro,
un conàs cleca-roi en SUV qui tuta permors qu'a d'anar tà Bordèu per un salon sus er'agricultura biologica. Que'm dit de gahar era garia i getà-la tar aude costat dera barrèra, com era hèra cascanta lordèra qui'u sèrv de cervèth i n'ei pas veta bèth a véder.
Ua auda autò que s'arrèsta pendent qu'eth mahutre e contunha de tutar, ne pòt pas baishar deth son deambulator gigant per classas moienas en manca d'arreconeishença economica : n'ei pas estat assabentat der'estat bipedic deths èstes umans, qu'ei meilèu quate-arrodic, quasi parodic, i non compren pas quin hè era hemna ath darrèr d'eth tà sortir dera Clio en quate camadas.

Qu'estupa eth motur, i sòrt dera veitura,
S'aprèssa en corrent dera cloca madura,
Espia eth sudjècte, com ua ingeniura
Que's pensa aver ua bona idea i passa un còp de hiu.
Era bèstia a tèrra, que se'n ved i galèra
Quan arriba tà ha'u esloishar era ueuerèra
Un poret a mobileta, mes n'ei pas nat hasan
Qu'ei eth cleco a casqueta, eth mei con deth parçan.

Arren non deròga ara lei, eth flic que se'n va, mes era garia n'ei pas aidada, i'r'autorota que s'emplea chic a chic de cada còp mei de veituras. A mieidia, eth tipe der SUV que contunha de tutar, quan era hemna ensaja d'ahiscar era ueueraira dab videòs d'amainadadas de pandàs, mes era 4G non passa pas pr'aquiu, i era bateria n'ei pas enfinita ath contrari deth motur der SUV qui eth mahutre n'a pas mei estupat qu'era soa votz qui contunha de gular, eth vrèspe sancèr, puish era nueit - mes arren a petar - eth son salon n'ei pas mei emportent qu'era creacion dera natura qui blòca era veitura i er anar deth monde, permors ath cap de quauques dias un petit detzenat d'autòs que son arrestadas aquiu : enfra-estructura resultat d'un engèni economic i politic...

I qu'ei un navèth recòrd de frequentacion prer'A65.

• Hip-Hop/Rap
• Rap
• Trap
• boombap
• dark
• gascon
• minority language
• oldschool rap
• Oloron Sainte Marie