Alls Verloarn from Harte Zeit by Höllenbriada

Er ziagt sich o sei bestes G'wand.
Bind sich zua, seine neian Schuah.
Nimmt sei Jack'n von da Wand -
geht dann naus und sperrt sei Haisl zua.

Zum rauchen hod a scho lang aufgheart.
Zünd si aber grad no oane o.
Lauft dann los und schaut nimma z'ruck -
bis a steht auf der hoachen Bruck.

Am Bruckagländer loahnt a si o -
losst sei Leb'n Revue passiern.
Seine Kind siggt da oamal im Johr -
sie hom eam nia verzieh'n.

Arg g'liabt hod a sei Frau a so -
s'hob'm draumt, sie waern zam alt.
Wia's derwischt hod mit dem andern Mo
hod as derschlong mit G'walt!

Alls verloarn
Da hod a alls verloarn

Solo: Dani

15 Johr ham's sollen sei -
jede Stund hod er's bereut.
Jetzt schaugt da nunter in's Wasser nei -
losst si fall'n und is frei...

Und wia a in's dunkle fliagt
wead eam ganz warm um's Herz.
So guat hod er si scho lang nimma g'fühlt
Do is koa Schmerz.

Alls verloarn
Da hod a alls verloarn

• Hard Rock
• Rock
• bayrisch
• riff rock
• Schongau