Zuen gainean by GorriBaltz
Jolas moduan hasi zen LP hau, hasieran EPa behar zuena, GorriBaltz proiektua bera legez. Inoiz ordenagailuan musika konposatu barik egonda, linuxerako programen bila hasi, LMMS topa, instalatu, eta tutorial pare bat ikusita "Eskegiko zaituztegu" atera zen programaren aukerekin esperimentatu bitartean. Eta harrapatuta geratu jostailuarekin! Egun pare batean lehenengo laurak konposatuta eta hitzak bilatu nizkien pixkanaka, sortutako musikak iradokitakoaren atzetik. Shampler bitxiak agertu ziren jostaketa horretan, hala nola "Zuen gainean" kantako iturri kantari organikoa (bai, Fonda, arrazoi, "Zuen gainetik" behar luke, baina juntaletras hau nagi da zuzentzeko). Astebetean lau kantak osorik eginda, ahotsak mugikorrean grabatuta, eta hurrengo zapatuan bosgarrena, "Sarean", jolasari gurpila hartuta. Gainerakoak tantaka etorri ziren, ezustean, EPa LP bihurtzeraino.
Gehitzen azkena, "Anarkia Euskal Herrian", Jonuk iradoki zidan, Punkaminerentzat idatzi nuen lehen kantetariko baten moldaketa, kontzertuetan jo bai, baina inoiz grabatu ez genuena, guretzat ereserki modukoa izan arren.
Zerrendan ikusten den ordena da labetik atera ziren horixe.
Hortik ateratakoak bazeukan kutsu ilun eta apur bat psikotikoa, eta elektronika nire betiko punk senarekin nahastu zen halabeharrez. Beraz, zer demontre atera zen definitzeko berba baten bila "psikoelektropunk" etorri zitzaidan burura. Neurriz hartu! Hasieran ero eta arraro xamarra denak zure burmuina kolonizatuko du denbora ematen badiozu...
Eta ez da azkena izango, ala Bakuninen bizarra!
Tracklist
| 1. | Eskegiko zaituztegu | 3:16 |
| 2. | Bagatoz | 3:03 |
| 3. | Sugea | 2:38 |
| 4. | Zuen gainean | 3:44 |
| 5. | Sarean | 2:46 |
| 6. | Gaixorik | 3:12 |
| 7. | Gauza bera | 2:53 |
| 8. | Atlantiseko giltzak | 3:16 |
| 9. | Anarkia Euskal Herrian | 4:22 |
Credits
Hotsak eta ahotsak: GorriBaltz
Logoa, berriro ere, Lluís Ràfols (mongelechiche.com) lagun eta artista handiari zor diot (azala nirea da, ez leporatu halako krimenik Lluísi!).
License
CC BY-SA 3.0. See the Creative Commons website for details.
GorriBaltz 2019ko maiatzean asmo handirik gabe sortutako proiektua da. Edo hobeto esanda, kopeta handiz eta musikaz gutxi jakinda jolasteko gogoz egin daitekeena. Hamaika modu daude Ideia zabaltzeko...