Son feliz from DOEN by DOEN

Pensaches que era o home perfecto brillante
O home sen fallo
Pensaches que o sorriso era certo que o mundo era
Amable
Sincero
Cravei o puñal da ignorancia na vosa demencia
Cumprín a promesa
Perdín a noción da cordura na loucura enlatada
E densa

Non son culpable! É o meu destino!

Matei inocentes coas mesmas mans coas que como
Os teus postres
tan ricos
Feridas vermellas coitelo disparo
O teu lindo adeus
Un simple cidadán que devora aos teus fillos
No azul horizonte
Un simple neno que non parará
De cuspir sangue alleo porque así

Son Feliz! Eu son feliz!

Deixemos atrás a moral o ben e o mal
Sexamos honestos
Non me vendas o funeral do normal e anormal
Non sexas perverso
Quizais non mereza vivir nin un día máis
Xunto a xente tan boa
Quizais debería deixar de matar e pensar
No día da voda

Abriron as miñas entrañas
Unha vez máis
Pero esta vez é diferente
Esta vez, non teño nada que perder

Son feliz! Eu son feliz!

• Alternative
• Galicia
• Rock
• alternative metal
• alternative rock
• Spain