r/evolution from 333 by d'bi.

bwoy mi frien mi frien frien
revolushun come to an end an end an end
bwoy mi frien mi frien frien
revolushun come to an end an end an end

an so tonight I will curl up in front di tube
an watch ally mcbeal, seinfeld and friends
so dat I can be part a society
my priority to sport new nike
caz mi frien revolushun revolushun revolushun come to an end

but wait
what kinda helpless hopeless state
dem ave we di people inna
saying we ave no power to affec change
but dat we do ave di dollah
fi buy coca-cola
mcdonald
levi
pepsi
nike
tommy hilfiger
ralph lauren
nautica
and dkn

why do they try to distrac we
from di dutty reality of livin inna disya society
we both know who’s truly financially backing capitalism
brothahs and sistahs feeling naked
widout our tables of labels widout our tables of lables
bwoy mi frien mi frien frien
revolushun come to an end an end an end
bwoy mi frien mi frien frien
revolushun come to an end an end an end


but how revolushun fi dun
when you walk around downtown
don’t you see the urban slum
by di soho a slow mo begs some change
and passers-by pass him by
keep your eye straight ahead

and how revolushun fi dun
when beside di eaton center
a sex trade worker
is a womban of color
she’s a single moddah
she’s jus on di corna
she’s jus beggin a dollah
she’s jus tryin tryin
tryin to mek a livin

and how revolushun fi dun
when inna disya state fi wi drop out rate
way too high fi mention and unda tension
we bap our heads to commercial gangsta bap bap bap
kill each oddah off lawd lawd have mercy
kill each oddah off lawd lawd have mercy
kill each oddah off lawd lawd have mercy

bwoy mi frien mi frien frien
revolushun come to an end an end an end
lawd mi frien mi frien frien
revolushun come to an end an end an end

and so tonight I will curl up
in front di tube and watch
di bold and di beautiful
di young an di resless

but I am young and restless yes
I am young and restless yes
I am young and restless yes
so revolushun cyaan dun
not yet
revolushun cyaan dun
not yet

our foremoddahs & faadas
committed to a struggle
dem nevah lie down dem nevah curl up
dem nevah get too comfortable anywhere

assata shakur
amilcar cabral
frantz fanon
steve biko
stokely carmichael
angela davis
dis list is long and long
dis list goes on and on

I want to watch dem
feel them breathe them be them
they are my revolushunary friends
my revolushunary friends

revolushun cyaan end
caz you and you and you and you and you
and me too feel it beating bleeding boiling
blood pumping blood blood pumping
inna wi veins

we the people we the people we the people
are the revolushun
the revolushun
the revolushun
the revolushun!

• Spoken Word
• dub poetry
• Canada