Allmedinge from Ehrlich by Burger

Teil Hüser gseh no glych us u anderi stöh nümm.
U teilne Orte chum I nümm drus, aber das isch nid so schlimm.
We nume der Bus weiss, won är düremues, eso wie denn vor vielen Jahr,
Denn bin i mängisch eifach z‘Fuess der ganz wyt Wäg

Uf Allmedinge, es chunnt mir komisch vor.
Alles isch so anders u so glych.
Allmedinge, i ha dy Lärme no ym Ohr
Vo de Panzer u de Gschütz uf der Allmänd
By Allmedinge

Die alti Linde steit no geng da, y ihre Stamm yne mahn i nümm
Un es schmöckt no immer glych wie denn nach Härd u alte Schwümm.
Un es chunnt mir vor wie denn als Chind by Aabetüür ym Wald,
Dert by der Zwärgespur uf em grosse Stei, oh, i wett no mal

Uf Allmedinge, es chunnt mir komisch vor.
Alles isch so anders u so glych.
Allmedinge, hesch du mys Lache no ym Ohr,
so unbeschwärt isch’s lang scho nümme gsy

U irgendwo dert, töif im Wald, dert het’s e gheime Ort
Dert liegt so mänge Schatz u Troum begrabe u mängs läärs Wort.
U i weiss nid, ob i wott wüsse, ob’s dä Ort no immer git,
Dert, wo’s het weh ta u het guet ta, i ha d’Frage bis uf ds Bluet gla,
wo’s yr Äsche no het Gluet gha, vor so langer Zyt

Allmedinge, es chunnt mir komisch vor,
Alles isch so anders u so glych.
Allmedinge, hesch myni Süfzer no ym Ohr,
Mängisch machsch mi arm u mängisch rych.
Allmedinge, es isch guet, we’s di no git,
All das, wo me nid dert laht, nimmt me mit
Vo Allmedinge.

• Folk
• guitar
• mundart
• singer-songwriter
• Switzerland