Inselkönigin from Inselkönigin by Al Sunrise

Inselkönigin

Willkommen hier im Paradies!
I hob scho auf die gwart.
Weil‘s Essn scho lang fertig is,
nebam Feia zart gegart.

Håb Ingwer und an Chili nei.
I hoff, du mågsd as scharf!
Und Kokosmuich is aa dabei.

Hock de hie!
Hau ruhig nei.
Des is nur für Kenner.
Des merkst du glei.

Ja, freile san då Finger drin!
Was glabst, warum des schmeckt?!
Und aa a Leber und a Hirn
– bloß a wenig versteckt.

Håb Bambus und Zucchini nei.
I hoff du mågsd a Gmias!
Vom Bauch a Speck is aa dabei.

Hock de hie!
Hau ruhig nei.
Des is wås für Kenner
und schmeckt einwandfrei.

Wås? Du wuist scho wieder furt?
Då is doch no wos då!
Du, i find des går ned guad.
Es riachd doch wunderbar!

Weil i so a Nette bin,
derfst nachad bei mir bleim!
I bin de Inselkönigin.

Hock de hie!
Hau ruhig nei.
Des is wås für Kenner.
Da letzte Schrei.

• World
• avantgarde
• bavarian
• lyrics
• prog
• songwriter
• Germany